Түгээмэл асуултууд

• АНУ-ын F-1 ангилалын оюутны визийн хураамж бусад визийн цагаачлалын бус визийн хураамжтай ижил 160$ нэмж DHS буюу АНУ-ын Дотоодын аюулгүй байдлын яамны оюутны визийн хяналтын системийн SEVIS 200$ төлсөн байх ёстой. Гэр бүлийн гишүүд тус бүр 160$ төлнө.
• Австралийн хувьд 500 ангилалын визийн хураамж оюутан 560 AUD төлнө. Гэр бүлийн гишүүд насны байдлаас хамаараад 160AUD-420 AUD төлнө.
• Английн TIER 4 ангилал буюу мэргэжлийн зэрэг, дипломын хөтөлбөрт сурах оюутнууд  £328 , харин 6 сар дотор хэлний сургалтад сурах бол сургалтын аялал гэсэн ангилалаар визийн хураамжинд  £89, 6-11 сарын хэлний сургалтын хувьд £170 төлнө.
• Канадад суралцахаар оюутны виз мэдүүлэхэд 150 CAD төлнө. Гэр бүлийн гишүүд аяллын визийн журмын дагуу хүн тус бүр 100 CAD төлнө.
• Шинэ Зеландын оюутны визийн хураамж 270 NZD мөн Бээжин дэхь визийн төвөөс паспорт гардаж авсны 185 юань буцааж шуудангаар илгээх 65 юань нэмж хураадаг.

• Америкийн сургуулиуд кампус дотор 7 хоногт 20 цаг ажиллах эрхийг олгодог.
• Англид хэлний сургуульд сурч байгаа бол ажиллах эрхгүй. Харин TIER 4 ангилалын визтэй  оюутнууд сургалтын ангилал , зэрэг олгох байдлаас хамааран 7 хоногт 10-20 цаг ажиллах зөвшөөрөлтэй.
• Австралид сурч буй оюутнууд 7 хоногийн 20 цаг , гэр бүлийн эхнэр, нөхөр  40 цаг ажиллах эрхтэй.
• Канадад гадаад оюутнууд 7 хоногийн 20 цаг ажиллах зөвшөөрөлтэй.
• Шинэ Зеландад гадаад оюутнууд 7 хоногийн 20 цаг ажиллах зөвшөөрөлтэй. Гэхдээ хэлний сургуульд 7 хоногт суух хичээлийн цаг 24-өөс бага бол оюутны бус харин аяллын виз олгогддог бөгөөд энэ нь ажиллах эрхгүй гэдгийг анхаарах нь зүйтэй. Харин мэргэжлийн диплом, зэрэг олгох хөтөлбөрүүд автоматаар оюутны виз олгодог байгаа.

Аль аль нь ижил төвшний шалгалт боловч  элсэх өргөдөл мэдүүлж буй сургуулийн шаардлагаас гадна оюутны виз олгох  журмыг анхаарч харах нь зүйтэй. Одоогийн байдлаар IELTS оноог  бүх улсын визийн төвүүд, консулын газар зөвшөөрдөг бол TOEFL оноог Англи, Австралийн визийн төвүүд зөвшөөрөхгүй байгаа. Бидний өгөх зөвлөгөө бол нэгэнт төвшний шалгалт тул хүлээн зөвшөөрөгдөх байдлыг нь бодолцож IELTS шалгалтыг өгөх нь зүйтэй. Гэхдээ таны аль улсад сурахыг илүүд үзэж байгаагаас хамааралтай сонголтоо хийнэ үү.

Ихэнхи тохиолдолд визийн татгалзалыг түр зуурын тухайн үеийн шийдвэр гэж үздэг.Улс бүрийн хувьд мөн тухайн виз мэдүүлэгчийн нөхцөл байдлаас хамааран дахин виз мэдүүлээд виз олгогдох магадлал харилцан адилгүй. Өмнөх визийн татгалзлын шалтгаан тодорхой бол тэр нөхцөл байдлыг няцаах өөрчлөлт орсон бол виз мэдүүлэх нь нээлттэй. Манай байгууллагын зүгээс зөвлөхөд худал мэдээлэл өгч, хуурамч бичиг баримт бүрдүүлсэн бол дахин виз мэдүүлэхэд хүндрэлтэйг сануулмаар байна. Бусад тохиолдолд  бидний зүгээс дүн шинжилгээ хийж дахин визийн мэдүүлэг хийхэд туслан дэмжихийг хичээдэг.

Өндөр хөгжсөн улсуудад удаан хугацаагаар сурахаар явж буй оюутнууд гэр бүлээ авч явах эрх нь нээлттэй. Гэвч үндсэн виз мэдүүлэгч оюутан юуны өмнө визээ амжилттай мэдүүлэх нь зүйтэй. Виз олгогдсон нөхцөлд бодит үндэслэлээ гаргаж гэр бүлийнхнийхээ визийг мэдүүлж болно.

Нэгэнтээ тухайн улсынхаа дээд болон мэргэжлийн боловсролын дипломыг гардан авсан бол улс бүр тодорхой хугацаагаар ажиллах эрхийг олгодог.

• Америкийн хувьд нийтлэг мэргэжлээр диплом гардан бол 12 сар хүртэл, STEM (Science Technology Engineering Math) чиглэлээр төгсөгчдөд 3 жил хүртэл хугацаагаар ажиллах боломжийг олгодог.
• Австралийн хувьд 2 жил хүртэл ажиллах эрхтэй.
• Англид төгссөний дараах ажил эрхлэх хугацаа 1 жил хүртэл байдаг.
• Канадад сурсан  хугацаатай тэнцэх хугацаагаар ажиллах эрх олгохоос гадна мэргэжилтэй боловсон хүчний цагаачлалын системд давуу эрх олгоно.
• Шинэ Зеланд улсын хувьд 12 сар хүртэл хугацаагаар ажиллах эрх олгохоос гадна боловсон хүчний дутагдалтай салбартаа үргэлжлүүлэн хугацаа сунган ажиллах боломжийг нээж өгдөг.

Өндөр хөгжсөн улс оронд суралцаж буй оюутнууд эрүүл мэндийн даатгалд албан журмаар заавал хамрагдсан байдаг. Австрали, Шинэ Зеланд улсууд эрүүл мэндийн даатгалд хамрагдсан нөхцөлд оюутны визээ олгодог бол Америк, Англи, Канадын сургуулиуд эрүүл мэндийн даатгалд хамруулах асуудлыг хариуцаж сургалтын төлбөрийн хамт төлсөн нөхцөлд албан ёсоор оюутны статустай болгодог. Эрүүл мэндийн асуудал гарвал мэдээж  даатгалын компанидаа хандах нь зүйтэй. Гэвч гэнэтийн асуудал гарч хаана хэнд хандахаа мэдэхгүй бол сургуулийнхаа гадаад оюутны хэлтэст хандаж болно . Тэд ийм асуудалд чиглүүлэн дэмжих үйлчилгээг сайн үзүүлдэг.